У лютым 2026 года ўпершыню з часу Курскай наступальнай аперацыі сілы абароны Украіны аднавілі кантроль над большай тэрыторыяй, чым здолеў захапіць праціўнік, паведаміў галоўнакамандуючы Узброеных сіл Украіны Аляксандр Сырскі.
За тры зімовыя месяцы, як сцвярджае Сырскі, было знішчана больш варожых салдат, чым праціўнік змог прыцягнуць у свае шэрагі.
Агульныя страты расійскіх войскаў, па яго звестках, за тры зімовыя месяцы склалі каля 92 850 чалавек забітымі і параненымі, што ў сярэднім складае 1031 чалавек у суткі.
Таксама за гэты перыяд праціўнік страціў 322 танкі, 430 баявых браніраваных машын, 2967 артылерыйскіх сістэм, 110 рэактыўных сістэм залпавага агню, 55 сродкаў супрацьпаветранай абароны, 5 самалётаў, 1 верталёт, 65 269 беспілотнікаў аператыўна-тактычнага ўзроўню, па адным караблі і падводнай лодцы, 11 927 адзінак аўтатэхнікі, 65 адзінак спецыяльнай тэхнікі.
Таксама Аляксандр Сырскі паведаміў, што праводзяцца актыўныя выніковыя дзеянні на Аляксандраўскім і Гуляйпольскім кірунках. Нягледзячы на заявы расійскага кіраўніцтва, узмацняецца кантроль над Купянскам і скарачаецца колькасць варожых дыверсійных груп у горадзе. Таксама працягваецца стрымліванне праціўніка ў раёне Пакроўска-Мірнаградскай агламерацыі.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца8
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары