Байцы Сіл беспілотных сістэм (СБС) у ноч на 29 сакавіка нанеслі паспяховы ўдар па расійскай базе «Тарнада» ў пасёлку Саўгаснае ў Крыме, паведаміў камандуючы СБС Роберт «Мадзяр» Броўдзі ў фэйсбуку.
Паводле Броўдзі, у выніку атакі былі знішчаны адразу тры рэактыўныя сістэмы залпавага агню калібру 300 мм — БМ-30 «Смерч» або «Тарнада-С». Акрамя саміх пускавых установак, ударам была ліквідавана самаходная транспартна-зараджальная машына да іх.
Паралельна з аперацыяй у Крыме ўкраінскія вайскоўцы пры ўзаемадзеянні з разведкай СБУ знішчылі цыстэрны з палівам у Луганскай вобласці. Паводле слоў Броўдзі, супольныя дзеянні беспілотных падраздзяленняў і разведкі дазволілі эфектыўна паразіць лагістычныя рэсурсы праціўніка, спаліўшы запасы паліва на акупаванай тэрыторыі.
Каментары
Слава Украіне !