«Я заўсёды ведаў, што яны папяровы тыгр». Трамп заявіў, што разглядае магчымасць выхаду з НАТА
Прэзідэнт ЗША Дональд Трамп у інтэрв'ю брытанскай газеце The Telegraph заявіў, што разглядае магчымасць выхаду краіны з НАТА. Прычынай сталі рознагалоссі з саюзнікамі, якія не падтрымалі дзеянні ЗША ў канфлікце супраць Ірана.
Трамп раскрытыкаваў альянс, назваўшы яго слабым і неэфектыўным, і адзначыў, што ніколі цалкам не давяраў гэтай арганізацыі. Ён лічыць, што ЗША часта падтрымліваюць іншых, але ў адказ не атрымліваюць такой жа дапамогі.
«Я б сказаў, што гэта ўжо па-за межамі перагляду. Мяне ніколі не пераконвала НАТА. Я заўсёды ведаў, што яны папяровы тыгр», — заявіў Трамп.
Прытым пра гэта нібыта ведае не толькі Трамп, але і расійскі прэзідэнт Уладзімір Пуцін. А ЗША, маўляў, падтрымлівала Еўропу супраць Пуціна, хоць Амерыцы да таго канфлікту як бы і не было справы:
«Мы там былі аўтаматычна, уключна з Украінай. Украіна не была нашай праблемай. Гэта было выпрабаванне, і мы былі там дзеля іх, і мы заўсёды былі б там дзеля іх. Яны не былі там дзеля нас», — сцвярджае Трамп.
Таксама ён выказаў незадаволенасць пазіцыяй Вялікабрытаніі і яе прэм’ер-міністра Кіра Стармера, абвінаваціўшы іх у нежаданні ўдзельнічаць у ваенных дзеяннях. Акрамя таго, Трамп падкрэсліў, што іншыя краіны альянсу не праяўляюць дастатковай актыўнасці.
Праўда, рашэнне пра выхад ЗША з НАТА не можа быць прынятае проста так — для гэтага патрэбна згода Кангрэса. Нягледзячы на гэта, у Вашынгтоне ўжо гучаць заявы пра магчымы перагляд адносін з альянсам пасля завяршэння канфлікту.
Рубіа заявіў, што ЗША неабходна пераасэнсаваць значэнне НАТА
ЗША папрасілі Польшчу перакінуць на Блізкі Усход батарэю Patriot
Пентагон рыхтуе наземную аперацыю ў Іране
Зяленскі: Пакуль перанакіравання зброі з Украіны на Блізкі Усход няма, а там пабачым
Фінляндыя ініцыявала праверку, ці сапраўды аплачаная Еўропай амерыканская зброя ідзе Украіне
Цяпер чытаюць
Маладую беларуску пратрымалі ў расійскім СІЗА амаль 4 гады і апраўдалі. А кампенсацыю далі такую, нібыта ў твар плюнулі5
Каментары
Падаецца, што ён ужо ўсім надакучыў у той Эўропе, дык яна памаша яму хустачкай у дарогу, а потым перажагнецца (на самы розны капыл) ды ўздыхне з палёгкаю...