Пад Лідай кіроўца збіў дзвюх пенсіянерак на роварах. Адну насмерць
У Лідскім раёне адбылося трагічнае ДТЗ, у выніку якога адна пажылая жанчына загінула, а другая атрымала траўмы.

38‑гадовы кіроўца аўтамабіля спачатку наехаў на раварыстку, якая перасякала праезную частку ў неўстаноўленым месцы, не па пешаходным пераходзе. Пасля першага сутыкнення кіроўца страціў кантроль над машынай, яна з’ехала ў кювет і там збіла яшчэ адну жанчыну, якая таксама ехала на ровары.
Адна з пацярпелых — 84‑гадовая пенсіянерка — памерла ў бальніцы ад атрыманых траўмаў. Другая жанчына, 64-гадовая, засталася жыць, але знаходзіцца пад наглядам медыкаў.
Па факце здарэння Лідскі раённы аддзел Следчага камітэта распачаў крымінальную справу. Кіроўцу інкрымінуюць парушэнне правіл дарожнага руху, якое з неасцярожнасці прывяло да смерці чалавека.
Каментары
ну и отсутствие велодорожек немного.