У Іране ўпаў амерыканскі самалёт. Пілота шукаюць як іранцы, так і амерыканцы
У Іране разбіўся амерыканскі самалёт, і ў гэты момант праходзіць аперацыя выратавання пілота. Іранскія ўлады таксама імкнуцца яго захапіць у палон.
Генштаб Узброеных сіл Ірана заявіў, што знішчальнік ЗША F-35 быў збіты раніцай у пятніцу над цэнтральнымі раёнамі краіны.
У Іране зрабілі экстранае ўключэнне па ўсіх дзяржаўных тэлевізійных каналах, падчас якога прапанавалі грошы за галаву амерыканскага пілота, які паспеў катапультавацца.
Была таксама інфармацыя ад іранскага агенцтва Tasnim, што пілот ужо нібыта захоплены, але на гэты момант яна не пацверджаная.
Амерыканцы, са свайго боку, таксама праводзяць аперацыю па выратаванні пілота. Як паведамляла агенцтва IRNA, яны дзейнічаюць пры дапамозе верталётаў Black Hawk і самалёта C-130 Hercules. У паветранай прасторы нібыта завязаліся баі з іранскімі войскамі.
СМІ Ірана пішуць, што таксама быў збіты амерыканскі верталёт. ЗША гэтага пакуль не каментавалі, і іншых пацвярджэнняў няма.
Кіраўнік Пентагона Хегсэт звольніў начальніка штаба Сухапутных войскаў ЗША
У Іране загінуў камандзір падраздзялення КВІР, якое займалася задушэннем пратэстаў
Падчас атакі на Тэгеран разбілі самы высокі мост на Блізкім Усходзе
Трамп у звароце да нацыі паабяцаў вельмі хутка скончыць вайну з Іранам
У Іране абверглі заяву Трампа, што яны звярталіся да яго з просьбай спыніць агонь
Каментары