Апазіцыйная партыя «Ціса» набірае 53,07% галасоў і 138 месцаў у парламенце Венгрыі, вынікае з папярэдніх вынікаў падліку, паведамляе Telex.
Кіроўны альянс ФІДЭС—ВДНП атрымлівае 55 месцаў (38,43%), ультраправая «Наша краіна» — 6 (5,83%). Прэм’ер-міністр Венгрыі Віктар Орбан прызнаў паразу і паабяцаў «не здавацца».
Партыя «Ціса» заваявала канстытуцыйную большасць у парламенце Венгрыі па выніках выбараў. Орбан, які займаў пасаду прэм’ера з 2010 года, павінен будзе пакінуць яе.
Лідар «Цісы» Петэр Мадзьяр заклікаў Орбана не прымаць рашэнняў, якія маглі б перашкодзіць далейшай дзейнасці партыі.
Дзяржаўны сход Венгрыі абіраецца па змешанай сістэме: 106 месцаў размяркоўваюцца ў аднамандытных акругах па мажарытарным прынцыпе (гэта значыць для перамогі дастаткова адноснай большасці галасоў), 93 — па партыйных спісах у агульнанацыянальнай акрузе па прапарцыянальнай сістэме.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак17
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары