«Важныя перамовы. Узаемная павага і супрацоўніцтва, якія ўзмацняюць абодва нашы народы», — напісаў прэзідэнт Украіны ў сваім тэлеграм-канале.
Учора пра візіт Зяленскага ў Баку паведаміла AFP.
Азербайджан з 2022 года ў цэлым падтрымлівае Украіну на ўзроўні заяў і гуманітарнай дапамогі, асабліва ў перыяды напружання ў адносінах з Расіяй. Аднак пры гэтым краіна захоўвае цесныя сувязі з Масквой і адыгрывае ролю аднаго з маршрутаў, праз якія Расія часткова абыходзіць міжнародныя санкцыі.
Да гэтага ў пятніцу 24 красавіка Зяленскі наведаў Саудаўскую Аравію, дзе сустрэўся з яе фактычным кіраўніком — наследным прынцам Мухамедам бін Салманам. Па словах украінскага лідара, размова была плённай і закранала пытанні бяспекі, у тым ліку магчымасці абароны паветранай прасторы, а таксама супрацоўніцтва ў энергетычнай і харчовай сферах.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары