У Венгрыі заяц скокнуў самакатчыку ў твар і збіў яго на зямлю
Незвычайнае дарожна-транспартнае здарэнне адбылося непадалёк ад Будапешта: там дзікі заяц падчас высокага скачка літаральна збіў мужчыну з электрасамаката. Пра здарэнне паведаміў венгерскі тэлеканал Tények.
Пацярпелы Даніэль Ковач распавёў, што ехаў з хуткасцю 35 кіламетраў за гадзіну. Сутыкненне адбылося абсалютна нечакана, калі жывёла ў скачку апынулася на ўзроўні яго галавы.
Заяц уляцеў кіроўцу проста ў твар, пасля чаго мужчына страціў кіраванне і зваліўся на асфальт.
Мужчына прызнаўся, што быў моцна здзіўлены самім фактам таго, што такое наогул магчыма.
Кадры з відэарэгістратара зафіксавалі, што пасля сутыкнення жывёла адразу ж збегла ў поле.
Сам кіроўца атрымаў толькі ўдар — ад цяжкіх траўм яго выратавалі шлем і ахоўная экіпіроўка.
У Паляўнічай палаце Венгрыі патлумачылі, што ў стане стрэсу зайцы здольныя разганяцца да 70 кіламетраў за гадзіну і скакаць у вышыню да пяці метраў. У гэтым выпадку звер проста не зразумеў, адкуль ідзе пагроза, разгубіўся і скокнуў на аб'ект, што рухаўся яму насустрач.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам17
Каментары
На замедленном просмотре четко видно, что заметив быстро приближающуюся опасность заяц отреагировал строго по своему "протоколу самосохранения" - подпрыгнул на уровень головы "опасности", одновременно развернувшись в воздухе, нанес ей удар в лицо задними лапами и одновременно мощно оттолкнувшись ими резко убежал. Пока "опасность" лежала на асфальте...
[Зрэдагавана]