Грамадства66

У Германіі забралі дапамогу ў беларускі, якая сышлася з гаспадаром здымнай кватэры. Данос напісаў яе зніклы без вестак муж

Суд стаў на бок жанчыны і запатрабаваў вярнуць ёй сацыяльныя выплаты — па 1700 еўра на месяц.

Дортмунд. Фота: wikimedia.org

Грамадзянка Беларусі з малой дачкой жыла ў Германіі на сацыяльную дапамогу, але аднойчы ў сацыяльную службу прыйшоў ліст ад яе афіцыйнага мужа: маўляў, жонка звыкла жыць не па сродках і махлярыць з выплатамі дзеля ўпрыгожванняў і дарагіх паездак. Чыноўнікі западозрылі, што жанчына насамрэч жыве адной сям'ёй з гаспадаром кватэры, і спынілі дапамогу. Але суд стаў на бок беларускі — і прызнаў, што ўсё абвінавачанне трымалася на адных здагадках.

Пра гэта сведчыць рашэнне Земскага сацыяльнага суда Паўночнага Рэйна-Вестфаліі (Landessozialgericht NRW) ад 31 ліпеня 2025 года па справе № L 12 AS 422/25 B ER. Імёны ўсіх удзельнікаў суд, паводле нямецкай практыкі, зашыфраваў літарамі.

Як беларуска апынулася на дапамозе

Жанчына мела дазвол на жыхарства ў Германіі з правам на працу. З лютага 2021‑га яна замужам; у пары ёсць агульная маленькая дачка. Сам муж з 30 студзеня 2024 года лічыцца зніклым без вестак — на яго пададзена заява ў паліцыю. Сама беларуска казала, што мяркуе, быццам мужа забіла нейкая сям'я, і менавіта таму яна з'ехала з ранейшага горада.

Разам з дачкой яна атрымлівала дапамогу па беспрацоўі. У чэрвені 2024 года яны пераехалі ў іншы горад і знялі ў гаспадара два пакоі з кухняй і ваннай: 500 еўра арэнды плюс 150 еўра камунальных.

Мясцовая сацыяльная служба прызначыла ёй выплаты з ліпеня 2024‑га да чэрвеня 2025‑га — пад канец каля 1696 еўра на месяц.

Загадкавы ліст «ад мужа»

26 верасня 2024 года ў сацыяльную службу прыйшоў ліст. Дата на ім стаяла 2022 года, а ў якасці адпраўніка — імя мужа беларускі. Аўтар пісаў, што ён з ёю ў шлюбе, мае дастатковы заробак, а жонка любіць жыць на шырокую нагу і схільная выманьваць сацыяльныя выплаты, каб дазваляць сабе ўпрыгожванні і дарагія падарожжы. Маўляў, яна нават займела дадатковае жыллё.

Сам суд назваў аўтара ліста «нібыта адпраўніком»: дакумент быў датаваны 2022 годам, але прыйшоў толькі ў верасні 2024‑га — ужо пасля таго, як муж знік. Хто насамрэч напісаў гэты данос, з матэрыялаў справы не зразумела.

Праверкі, ботакс і дзіцячая горка

Ліст запусціў праверкі. Супрацоўнікі сацыяльнай службы двойчы прыязджалі да жанчыны дадому — у лістападзе і снежні 2024 года. Яны палічылі, што ў беларускі няма ўласнага адасобленага жылля: кухня агульная з гаспадаром, у халадзільніку няма выразнага падзелу прадуктаў, у пакоі стаіць дарагі камп'ютар (па словах жанчыны — сына гаспадара), а ў двары — дзіцячая горка. На гэтай падставе ведамства западозрыла так званую Bedarfsgemeinschaft — «супольнасць патрэбаў», калі людзі вядуць агульную гаспадарку і дзеляць выдаткі, а значыць, дапамога не належыць.

У лістападзе 2024 года сацыяльная служба спыніла выплаты, спаслаўшыся на «істотныя сумневы» ў тым, што жанчына сапраўды мае патрэбу ў дапамозе.

Беларуска падала пярэчанне. Яна настойвала, што ніякай агульнай сям'і з гаспадаром няма, што яна самотная маці, а муж па-ранейшаму лічыцца зніклым. Замежныя паездкі, да якіх прычапіліся чыноўнікі, яна патлумачыла так: у адну краіну лятала на судовы працэс праз выкраданне свайго сына былым мужам, а яшчэ была чатырохдзённая аўтобусная паездка ў Францыю; начавала ў абодвух выпадках у сяброў.

Jobcenter, аднак, указаў на яе акаўнт у інстаграме: пост пра пералёт з дачкой у лютым 2025‑га і пост пра паездку ў салон на працэдуру з ботаксам. Адкуль грошы на ўсё гэта, пыталі чыноўнікі. Жанчына адказала, што паездку да бацькоў праз Мінск аплацілі самі бацькі, а сяброўкі арганізавалі ёй паездку і падарылі 200 еўра, «каб яна зрабіла сабе нешта прыемнае» — на гэтыя грошы яна і зрабіла ботакс (100 еўра) і чыстку зубоў.

Асобна чыноўнікі ўчапіліся за дзіцячую горку ў двары: маўляў, проста так гаспадар арандатарцы такога не будуе — значыць, паміж імі нешта большае. А ў адным банкаўскім пераводзе ад гаспадара чыноўнікі ўбачылі ласкавае слова і пераклалі яго як «лялечка, мілая». Гаспадар жа потым пісьмова заявіў, што яны проста жывуць у адной кватэры, а здагадкі службы — «чыстая фантазія». Сам ён, дарэчы, у снежні 2024‑га разарваў дамову арэнды.

Што сказаў суд

Суд першай інстанцыі ў Дортмундзе спачатку адмовіў жанчыне. Але апеляцыйны Земскі сацыяльны суд NRW рашэнне змяніў і стаў на бок беларускі.

Галоўны вывад: сацыяльная служба не даказала нічога з таго, у чым абвінавачвалі. Каб прызнаць «супольнасць патрэбаў», трэба вызначыць тры рэчы разам — што людзі з'яўляюцца партнёрамі, што жывуць адной гаспадаркай і што гатовыя несці адказнасць адно за аднаго. Прэзумпцыя такога саюза ўзнікае толькі пасля года сумеснага жыцця — а беларуска з гаспадаром засялілася толькі ў ліпені 2024-га. Больш за тое, суд звярнуў увагу: партнёрства прадугледжвае магчымасць шлюбу, а жанчына фармальна ўсё яшчэ замужам за зніклым мужам.

Сумеснае карыстанне кухняй, ваннай і гасцёўняй, падкрэсліў суд, само па сабе не сведчыць пра агульную гаспадарку. А ведамства, замест таго каб правесці нармальнае расследаванне і, напрыклад, запатрабаваць звесткі ў самога гаспадара, абмежавалася сумневамі і здагадкамі. На адных сумневах скасаваць выплаты нельга.

У выніку суд аднавіў дзеянне першапачатковага прызначэння дапамогі за перыяд з снежня 2024‑га да чэрвеня 2025‑га — гэта значыць выплаты па 1696 еўра на месяц вярнуліся.

Каментары6

  • LOL
    02.06.2026
    Дарагі кампутар гэта як? Хто вызначыў на падставе чаго?
  • Жизнь невероятных
    02.06.2026
    А моя мать под 70 на работу за 350 ползает.
  • широко распространено
    02.06.2026
    живу в Австрии, был на курсах, там участник курсов, австриец, даже не скрывал, что сожительствует с дамой, но соц. службу обманывают, что живут поотдельности, так пособие больше: по отдельности 1.230 Euro.на нос, то есть 2460 вместе, а на живущую официально вместе пару лишь 1.722, то есть разница около 700 евро

Цяпер чытаюць

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Усе навіны →
Усе навіны

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

«Тры шэрагі зніклі за долю секунды». Беларусы зноў не могуць патрапіць на навагоднія шоу ў цырку

Зяленскі, а таксама ў Крамлі пракаментавалі ўдар па Крымскім мосце9

«У цябе апошні дзень». Беларускі айцішнік перабраўся на Філіпіны, а там усё жорстка13

«Настаў час крыху адступіць». Сабаленка расказала, што заставалася за кадрам яе няўдалага сезона4

Ізраіль загрузіў мільёны фотаздымкаў у сістэму распазнавання твараў Amazon, каб сачыць за палесцінцамі7

У МУС расказалі, колькі працоўных мігрантаў прыехала ў Беларусь і колькі злачынстваў яны здзейснілі1

Як у кіно. У цэнтры Гродна 19‑гадовы хлопец з аднаго ўдару паваліў слуп13

больш чытаных навін
больш лайканых навін

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць