«Ківі» атрымалі другую запар нічыю на мундыялі. Бразільцы выйшлі ў 1/8 фіналу.
Пяціразовыя чэмпіёны свету вялі ў ліку 3:0 (Луіс Фабіану, 25, 50, Элану, 62), але івуарыйцам удалося забіць гол прэстыжу (Драгба, 79).
Канцоўка матчу запомнілася лёгкімі рукапашнымі бойкамі і выдаленнем з поля Кака.
Бразілія - 6 (2 гульні), Партугалія - 1 (1 гульня), Кот д'Івуар - 1 (2 гульні), КНДР - 0 (1).
Бразільцы выйшлі ў 1/8 фіналу.
У панядзелак на чэмпіянаце свету ў групе «G» будзе згуляны матч Партугалія – КНДР (14:30, Лад).
Скончыцца ІІ тур матчамі ў групе «H»: Чылі – Швейцарыя (17:00), Іспанія – Гандурас (21:30).
Нагадаем, што ў першым туры Швейцарыя перамагла Іспанію, а Чылі – Гандурас (абодва матчы скончыліся з лікам 1:0).
***
У аўторак стартуе апошні трэці тур. Штодня будуць цяпер чатыры матчы, прычым гульні ў адной групе будуць пачынацца ў адзін час: ці ў 17:00 ці ў 21:30.
Паабедзенных матчаў у 14:30 ужо не будзе!
Групавы турнір скончыцца ў пятніцу, а ад наступнай суботы – плей-оф.
***
Зборная Новай Зеландыі стала творцам чарговай сенсацыі чэмпіянату свету па футболе, згуляўшы ўнічыю з дзейнымі чэмпіёнамі зборнай Італіі – 1:1.
Прычым «ківі» першымі павялі ў ліку, на 7-й хвіліне – і такой бяды, што з афсайду – забіў Шэйн Шмелц.
На 29-й Вічэнца Яквінта з пенальці лік зраўняў.
А потым новазеландцы мужна адбіваліся наступныя 60 хвілін матчу. І адбіліся!
А за тры хвіліны да канца сустрэчы наспяваючая сенсацыя ледзь не патроілася. Пасля ўдару Вуда мяч праскочыў у колькіх сантыметрах ад штангі. Такім чынам нічыя новазеландцаў з чэмпіёнамі свету – пакуль ці не галоўная сенсацыя чэмпіянату.
Сёння ў гэтай жа групе зборная Парагвая выйграла ў Славакіі – 2:0 (Вера, 27, Рыверас, 86).
Пасля 2-х тураў: Парагвай – 4, Італія, Новая Зеландыя – 2, Славакія – 1.
У апошнім туры ў чацвер гуляюць Новая Зеландыя – Парагвай, Італія – Славакія. Пачатак абодвух матчаў а 17-й.
А сёння, у 21:30, Бразілія – Кот д’Івуар.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна10
Каментары