Лукашэнка распарадзіўся адпраўляць у армію ўсіх, хто не ўмее працаваць падчас жніва
На селектарнай нарадзе Аляксандр Лукашэнка распарадзіўся адпраўляць у войска тых, хто дрэнна працуе і не выконвае працоўную дысцыпліну ў сельскай гаспадарцы, асабліва ў перыяд уборачнай кампаніі, піша БелТА.
«Ну чаго мы будзем пры дэфіцыце кадраў наручнікі надзяваць? Папрасіце Хрэніна, даручэнне яму маё перадайце: усіх, хто не ўмее працаваць, — у войска і на паўднёвую мяжу. У лес. Там нашы хлопцы, сілы спецыяльных аперацый, па маім загадзе рассяроджаныя па ўкраінскай мяжы, — сказаў Лукашэнка. — Гэта не значыць, што мы на кагосьці нападаць [збіраемся]. Мы ні на каго не нападаем, мы гарантуем сваю бяспеку. Нялёгка — камарыкі, мухі, мошкі і іншае. Вось туды іх, у войска. Звычайнымі салдатамі. Тыдзень падрыхтоўкі (гранатамёт, кулямёт), і туды — у распараджэнне сіл спецыяльных аперацый».
Гэта распараджэнне тычыцца найперш чыноўнікаў:
«Усіх туды, хто не выканае даручэнні. Гэта мой загад. Любы чыноўнік (ва ўрадзе, аблвыканкаме, райвыканкаме) — у гаспадарку на трактар, камбайн. Не ўмееш гайкі круціць? Будзеш памочнікам, будзеш падносіць «снарады». Любое невыкананне — у войска. Хай там служыць. У лесе будзе сядзець. Там таксама патрэбныя кадры. Няхай у перыяд жніва там паслужыць. І чыноўнік, і той, хто не хоча працаваць».
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца4
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары