Гэтыя грошы бацькі сабралі для пакупкі кватэры.
42‑гадовы жыхар Мінска звярнуўся ў міліцыю з заявай пра знікненне з кватэры сямейных грошай на суму каля 200 тысяч долараў. Мужчына падазраваў сантэхніка, якога нібыта ўпусціў у хату яго 10‑гадовы сын, аднак грошы вынес сам чацвёртакласнік.
Схема была стандартнай. Хлопчыку патэлефанавалі ашуканцы. Спачатку пад выглядам замены дамафона яго пераканалі перадаць код з SMS, а пасля праз відэасувязь з ім звязаўся нібыта міліцыянт. Той заявіў, што бацькам пагражае крымінальная адказнасць за махлярства, і запатрабаваў задэклараваць усе наяўныя грошы.
Ведаючы, дзе ляжаць сродкі на кватэру, дзіця ў два этапы вынесла з дому 160 тысяч долараў, 30 тысяч еўра ды 30 тысяч рублёў.
Па інструкцыі злачынцаў хлопчык пакінуў купюры ў кустах непадалёк ад дома, пасля чаго яму загадалі як мага даўжэй не вяртацца дадому і нічога не расказваць.
Кур’ера, які забраў грошы, міліцыянты затрымалі, але грошы той ужо адправіў за мяжу.
Міліцыя піша, што школьнік раней наведваў прафілактычныя лекцыі міліцыі і абмяркоўваў ашуканскія схемы з бацькамі, але пад псіхалагічным ціскам куратараў разгубіўся.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары
Навошта грошы здаваць у банкі лукашэнкі ?
Яны там ці знікнуць, ці прыйдуць падаткавікі з дурнымі пытяннямі.
Мытнікі выкрываюць парушэнні толькі па наводцы з КГБ.