Жанчына-кур'ер везла з Беларусі ў Расію ў маршрутцы 100 тысяч еўра і, натуральна, не давезла
Загадкавая гісторыя з абрабаваннем, характэрная для амерыканскага Дзікага Захаду ХІХ стагоддзя, здарылася на беларуска-расійскім памежжы ў канцы 2025 года.
Жанчына-кур'ер павінна была даставіць з Барысава ў Маскву больш за 100 тысяч еўра і 11 тысяч даляраў. Грошы яна везла ў маршрутцы, паведамляе Onliner.by.
Паводле версіі следства, трое мужчын загадзя дамовіліся скрасці грошы. Адзін з іх суправаджаў кур'ера і ведаў пра перавозку буйной сумы. Ён перадаваў суўдзельнікам інфармацыю пра маршрут і прыпынкі. Другі ехаў следам на аўтамабілі і павінен быў дапамагчы ўцячы. Трэці павінен быў пранікнуць у мікрааўтобус і забраць грошы.
Спачатку двое мужчын паспрабавалі скрасці грошы на запраўцы ў Барысаўскім раёне, але не змаглі гэтага зрабіць і паехалі за мікрааўтобусам у Смаленскую вобласць.
На адной з заправачных станцый у Краснінскім раёне кур'ер і яе суправаджаючы зайшлі ў кавярню. Тады трэці ўдзельнік зайшоў у мікрааўтобус, забраў упакоўку з валютай і з'ехаў разам з суўдзельнікам.
Пазней мужчыны вярнуліся ў Беларусь і ў лесе падзялілі скрадзеныя грошы. Паводле звестак следства, адзін з удзельнікаў таксама расказаў, што частка грошай перадавалася за выдаленне запісаў з камер відэаназірання.
Знайсці ўсіх траіх дапамаглі запісы з камер, даныя аб тэлефонных злучэннях і перамяшчэнні аўтамабіляў, а таксама перапіска. Пры затрыманні ў аднаго з мужчын знайшлі тэлефон, які, як мяркуе следства, выкарыстоўваўся для сувязі з суўдзельнікамі ў дзень крадзяжу.
Двое абвінавачаных прызналі віну і расказалі, як рыхтавалі і здзяйснялі крадзеж. Трэці сваю датычнасць адмаўляе і ад дачы паказанняў адмовіўся.
Абвінавачаным 22, 37 і 49 гадоў. Двое раней не прыцягваліся да крымінальнай адказнасці. 37‑гадовы жыхар Барысава мае неадбытую і нязнятую судзімасць. Ім выстаўленыя розныя абвінавачванні.
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае26
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары