Лукашэнка прапанаваў аддаць частку Верхнядзвінскага раёна бізнэсмену Вараб'ю
Аляксандр Лукашэнка 15 кастрычніка здзейсніў рабочую паездку ў Верхнядзвінскі раён, дзе азнаёміўся з сучасным праектам у сферы мясной жывёлагадоўлі. Там наведаў новае сучаснае жывёлагадоўчае прадпрыемства «Чырвоны Бор Агра», уладальнікам якога з'яўляецца бізнесмен Мікалай Варабей, паведамляе яго прэс-служба.
Гэтае прадпрыемства спецыялізуецца на мясной жывёлагадоўлі. Адпаведна, патрэбныя землі для вытворчасці кармоў. Ён яшчэ да прыезду ўважліва вывучыў карту раёна і вызначыў тыя землі, якія можна прапанаваць эфектыўнаму прыватніку для развіцця вытворчасці. Такую перадачу актываў прыватнаму бізнэсу Аляксандр Лукашэнка назваў крайнім варыянтам, але ў дадзеным выпадку гэты крок апраўданы.
«Мікалай, калі ты хочаш падтрымкі, я вось дома адзначыў, што ты павінен узяць. Я гатовы табе гэта перадаць, — звярнуўся ён да бізнэсмена, паказваючы на карце канкрэтныя ўчасткі зямлі. — Тут трэба кардынальна нешта зрабіць. Гэтаму комплексу (жывёлагадоўчаму) патрэбныя кармы. Гэтыя землі, якія ёсць, павінны забяспечыць цябе кармамі. Прадстаў мне да вясны план».
Аляксандр Лукашэнка таксама паабяцаў падтрымку гэтаму аграбізнэсу нараўне з агульнымі падыходамі.
«Вялікіх грошай няма. Будзем датаваць вас, як усіх», — сказаў ён.
Аналагічна ён выказаў падтрымку і праектам у сферы дрэваапрацоўкі і турызму.
«Лес і зямля — твае, турыстычны кірунак — твой. Карміць людзей, якія прыедуць сюды адпачываць, — адсюль вазьмі, накармі людзей. Як ты гэта і робіш», — сказаў Аляксандр Лукашэнка.
-
Саладуха распавёў, чаму пагадзіўся «круціць гусь» у хайповай рэкламе казіно
-
Хто быў першым намінантам на Нобелеўскую прэмію з Беларусі і што пра кандыдатаў-суайчыннікаў вядома з рассакрэчаных архіваў
-
Суддзю Брысіну, якая прысудзіла Паўлу Белавусу 13 гадоў калоніі, адправілі на пенсію і выдалі знак «За адданасць правасуддзю»
Каментары