У Мінску будуць судзіць роварнага зладзюжку — яму пагражае 18‑я судзімасць. Апошнім разам ён скраў тры ровары
У маі 42‑гадовы мужчына чарговы раз вызваліўся з папраўчай калоніі і ў той жа дзень дабраўся да Оршы. Там, гуляючы па горадзе, ён вырашыў скрасці ровар.
Зайшоўшы ў пад’езд жылога дома, мужчына выбраў ровар, не прышпілены да парэнчаў, выкаціў яго ў двор і паехаў на ім у гаражны кааператыў, дзе прадаў незнаёмаму за 50 рублёў, пішуць Мінск-навіны.
Пасля гэтага зламыснік накіраваўся ў сталіцу да свайго прыяцеля. На працягу наступных некалькіх дзён ён скраў з пад’ездаў дамоў на вуліцы Сыракомлі яшчэ два ровары, якія таксама прадаў першым сустрэчным за 40 і 50 рублёў.
Праз некаторы час датычнасць мужчыны да крадзяжоў двухколавага транспарту была высветленая, у дачыненні да яго завялі чарговую крымінальную справу.
Мужчына раней прыцягваўся раней 17 разоў прыцягваўся да крымінальнай адказнасці за ўчыненне маёмасных злачынстваў, зараз можа быць 18-ы.
Паводле яго слоў, мужчыну выставілі абвінавачанне ва ўчыненні злачынстваў, прадугледжаных ч. 2 арт. 205 КК («Крадзеж»). Сваю віну грамадзянін прызнаў цалкам.
Меру стрымання ў дачыненні да абвінавачванага не выбіралі, паколькі цяпер ён адбывае пакаранне ў выглядзе чатырох гадоў пазбаўлення волі ў калоніі строгага рэжыму.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх13
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары