Пуцін на перамовах па Украіне можа патрабаваць вяртання НАТА да межаў 1997 года
Гэта можа азначаць патэнцыйны вывад войскаў альянсу з Польшчы і краін Балтыі.
Уладзімір Пуцін бачыць у перамовах аб заканчэнні вайны ва Украіне магчымасць прымусіць НАТА адмовіцца ад пашырэння на ўсход і вярнуцца да межаў 1997 года. Для гэтага Крэмль прапануе ўключыць у мірны працэс прадстаўнікоў Еўропы, піша The Telegraph са спасылкай на крыніцы ў дыпламатычных ведамствах заходніх краін.
Раней падключыць еўрапейцаў да перамоваў па Украіне прапаноўваў памочнік прэзідэнта РФ па пытаннях знешняй палітыкі Юрый Ушакоў.
Ён заяўляў, што Еўрасаюз і Паўночнаатлантычны альянс пачалі «больш сур'ёзна ставіцца» да прапаноў Расіі, а пазіцыя Еўропы адносна міру паміж Масквой і Кіевам мае «ключавы характар».
Аднак, як тлумачаць суразмоўцы The Telegraph, насамрэч за гэтым хаваецца даўні намер Крамля дамагчыся адкату NATO да межаў 1997 года або, як мінімум, вываду войскаў і ўзбраенняў з пяці краін альянсу, якія мяжуюць з Расіяй: Латвіі, Літвы, Польшчы, Фінляндыі і Эстоніі. Заходнія дыпламаты адназначна не гатовыя ісці на саступкі расійскаму боку ў гэтым пытанні.
Пры гэтым суразмоўцы The Telegraph перакананыя, што максімальны адкат НАТА на захад па-ранейшаму застаецца адной з ключавых умоў Пуціна для заканчэння вайны ва Украіне.
Другім пунктам яны называюць пазбаўленне Кіева фактычнага суверэнітэту. Такая пазіцыя робіць малаверагодным сапраўдны поспех анансаваных на лістапад тэхнічных перамоваў у Абу-Дабі паміж прадстаўнікамі Вашынгтона, Кіева і Масквы.
З патрабаваннем «адводу ўсёй ваеннай інфраструктуры NATO на пазіцыі 1997 года» Масква звярталася да альянсу ў снежні 2021 года, за некалькі тыдняў да поўнамаштабнага ўварвання ва Украіну. Намеснік кіраўніка МЗС РФ Сяргей Рабкоў патрабаваў ад NATO «збіраць манаткі» і абвінавачваў альянс у тым, што той нібыта імкнецца «адцясніць» Расію і «перавесці яе на ролю падпарадкаванага», нагадвае Moscow Times.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
ПС Очредной пророссийский нарратив - слив. Цель - показать что Россия хочет переговоров и (или) мира...