Кіраўнік дзяржавы лічыць неабходным больш узважана падыходзіць да прызначэння пакаранняў, звязаных з пазбаўленнем волі.
Пра ход працы над Канцэпцыяй удасканалення мер крымінальнай адказнасці і сістэмы выканання крымінальных пакаранняў паведаміў 24 жніўня Аляксандру Лукашэнку генеральны пракурор Беларусі Рыгор Васілевіч.
Як паведамляе
Лукашэнка таксама запатрабаваў «узмацніць пракурорскі нагляд за выкананнем заканадаўства ўсімі праваахоўнымі і кантрольнымі органамі, значна больш увагі надаваць таму, як забяспечваюцца правы і свабоды грамадзян».
Прэзідэнту было паведамлена пра захады, накіраваныя на папярэджанне і выкараненне правапарушэнняў. За сем месяцаў 2010 года колькасць асабліва цяжкіх злачынстваў у краіне скарацілася на 11%, з іх забойстваў — на 20%, цяжкіх цялесных пашкоджанняў — на 12%, грабяжоў — на 14%. Таксама амаль на 13% скарацілася злачыннасць сярод непаўналетніх.
Разам з тым захоўваецца і шэраг праблем. Так, не скарачаецца рэцыдыўная злачыннасць, што сведчыць пра недахопы ў працы як органаў пракуратуры, якія абавязаныя каардынаваць працу па папярэджанні злачынстваў, так і непасрэдна органаў унутраных спраў, а таксама мясцовых выканаўчых і распарадчых органаў. Захавалася на ўзроўні мінулага года і колькасць рабаванняў.
У бягучым годзе пракуратура ўзмацніла нагляд за працай суб’ектаў, надзеленых кантрольнымі паўнамоцтвамі: у іх адрас унесена 742 акты пракурорскага нагляду, 378 службовых асоб прыцягнутыя да адказнасці.
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока4
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары