Сіноптыкі прагназуюць, што тэмпература паветра пачне зніжацца ўжо заўтра, у аўторак.
На выходныя ў Беларусь прыйшло цёплае паветра міжземнаморскага паходжання. Учора ў сталіцы ўдзень было да +10 градусаў. Такое ж надвор’е чакаецца і сёння, праўда, магчымы невялікі дождж.
А заўтра пачне набіраць моц скандынаўскі антыцыклон, які зменіць паветраныя плыні. Падзьме паўночны вецер і таму ўдзень у аўторак будзе толькі +3…+5°С. Абяцаюць таксама ападкі.
Да канца тыдня тэмпература паветра ўдзень будзе плюсавай, але ўначы прагназуюць невялікія маразы — да -5 градусаў.
Каментары