У Польшчы знайшлі GPS-перадатчык у вагоне, які ездзіў у Беларусь і Украіну
У Познані ўнутры грузавога вагона знайшлі прадмет, што нагадвае GPS-перадатчык. Высветлілася, што на працягу апошняга года гэты вагон бываў у Беларусі і Украіне. Паліцыя пачала следства, пра знаходку паведамілі ў Агенцтва ўнутранай бяспекі, піша Most.
Як паведамляе тэлеканал TVN24, прадмет, падобны да GPS-перадатчыка, знайшлі супрацоўнікі чыгуначнага перавозчыка PKP Cargo падчас планавага абслугоўвання паўвагона. Гэта чыгуначны вагон без даху, прызначаны для перавозкі грузаў, якія не патрабуюць абароны ад ападкаў. Вагон з лютага стаяў на запасным шляху ў Познані, а да гэтага заязджаў у Беларусь і Украіну.
Чыгуначнікі паведамілі ў паліцыю, якая накіравала на месца следчую групу.
«Гэты прадмет, які нагадвае GPS-перадатчык, будзе адпраўлены на лабараторную экспертызу. Яе мэта — у першую чаргу адказаць на пытанне, чым з’яўляецца гэтае прыстасаванне, якія паведамленні або інфармацыю яно ўтрымлівала і якія сляды мы можам на ім знайсці», — распавёў Лукаш Патэрскі з познанскай паліцыі.
Таму, хто ўсталяваў перадатчык, пагражае да двух гадоў пазбаўлення волі.
Чыгуначная каляіна ў Польшчы і большасці еўрапейскіх краін вузейшая, чым у Беларусі і постсавецкіх дзяржавах. На памежных тэрыторыях рэйкі еўрапейскага стандарту ў некалькіх месцах заходзяць у Беларусь. Раней неаднаразова здараліся выпадкі, калі вагоны, якія курсуюць праз польска-беларускую мяжу, выкарыстоўвалі для кантрабанды цыгарэт у Польшчу.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было44
Каментары
Што гэты вагон перавозіў?