Генпракурор: На вулічных акцыях міліцыянты павінны працаваць у форме
Але не прывёў ніякіх фактаў рэагавання пракуратуры.
Ідзе праверка па факце парушэння правоў журналістаў падчас асвятлення маўклівых акцый.
Калі будуць выяўлены факты парушэнняў, канкрэтныя супрацоўнікі унутраных спраў будуць прыцягнуты да адказнасці. Генеральны пракурор Рыгор Васілевіч мяркуе, што
«супрацоўнікі органаў унутраных спраў павінны быць у форме. Могуць быць выключэнні ў залежнасці ад задач, якія ставяць. Павінны папярэджаваць, што парушаецца парадак, калі парушаецца. Калі не ў форме, то вы павінны ведаць, хто вам прад’яўляе патрабаванні.
І я спадзяюся, што тут будзе выраўнівацца сітуацыя».
Пра гэта Рыгор Васілевіч заявіў на прэс-канферэнцыі ў Мінску 20 ліпеня.
Адначасова Васілевіч папярэдзіў і журналістаў. «Калі супрацоўнік унутраных спраў выконвае свае абавязкі, вы не павінны перашкаджаць. Трэба ўлічваць, што розныя сродкі могуць выкарыстоўвацца».
Аднак Генпракурор не прывёў ніводнага канкрэтнага факта рэагавання пракуратуры на масавыя дзеянні асобаў у цывільным (хоць толькі ў Мінску імі затрыманы сотні людзей). Не было рэакцыі пракуратуры і на парушэнні свабодаў слова і сходу ў краіне. Дый не было нават канкрэтнай рэакцыі на дакументальна зафіксаваныя факты нападаў асобаў у цывільным на журналістаў на вуліцах беларускіх гарадоў.
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары