Ад навальніцы ліпеня 21 пацярпелі 72 населеных пункты.
Паводле дадзеных МНС, ад навальніцы ліпеня 21 пацярпелі 72 населеных пункты ў Гомельскай, Гродзенскай, Мінскай і Магілёўскай абласцях. У Мінскай вобласці загінула дзіця.
Як паведамляе «Белэнерга», на тэрыторыі краіны былі абясточаныя 648 населеных пунктаў.
Не абышлася ўчорашняя навальніца без параненых і нават загінулых. У Зэльве Гродзенскай вобласці вецер абрынуў цагляную сцяну складскога памяшкання, якая пашкодзіла прыпаркаваны каля будынка мікрааўтобус і параніла кіроўцу, паведамілі ў МНС.
У в. Тарэбуты Старадарожскага раёна Мінскай вобласці парывам ветру быў перакулены металічны навес прыпыначнага пункта грамадскага транспарту. Смяротна траўмаваны хлопчык, 1999 г.н.
У Гродне паваленымі дрэвамі было пашкоджана 11 аўтамабіляў.
У Стаўбцоўскім раёне Мінскай вобласці навальніца справакавала пажар у сенасховішчы адкрытага акцыянернага таварыства «Агранёманскі». Агнём знішчана 16 тонаў сена ў рулонах, пашкоджаныя 45 тонаў сена і частка будынка.
Цяпер чытаюць
На аўташоу ў Лідзе ледзь не загінуў адзін з самых знакамітых каскадзёраў Беларусі — яго відэа сабралі амаль паўмільярда праглядаў. Што з ім цяпер?4
Каментары