Ad navalnicy lipienia 21 paciarpieli 72 nasielenych punkty.
Pavodle dadzienych MNS, ad navalnicy lipienia 21 paciarpieli 72 nasielenych punkty ŭ Homielskaj, Hrodzienskaj, Minskaj i Mahiloŭskaj abłaściach. U Minskaj vobłaści zahinuła dzicia.
Jak paviedamlaje «Biełenierha», na terytoryi krainy byli abiastočanyja 648 nasielenych punktaŭ.
Nie abyšłasia ŭčorašniaja navalnica biez paranienych i navat zahinułych. U Zelvie Hrodzienskaj vobłaści viecier abrynuŭ cahlanuju ścianu składskoha pamiaškańnia, jakaja paškodziła pryparkavany kala budynka mikraaŭtobus i paraniła kiroŭcu, paviedamili ŭ MNS.
U v. Tarebuty Staradarožskaha rajona Minskaj vobłaści paryvam vietru byŭ pierakuleny mietaličny navies prypynačnaha punkta hramadskaha transpartu. Śmiarotna traŭmavany chłopčyk, 1999 h.n.
U Hrodnie pavalenymi drevami było paškodžana 11 aŭtamabilaŭ.
U Staŭbcoŭskim rajonie Minskaj vobłaści navalnica spravakavała pažar u sienaschoviščy adkrytaha akcyjaniernaha tavarystva «Ahraniomanski». Ahniom źniščana 16 tonaŭ siena ŭ rułonach, paškodžanyja 45 tonaŭ siena i častka budynka.
Ciapier čytajuć
«Ja supracoŭnica KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku11
Kamientary