Каля 100 тысяч дэманстрантаў, натхнёных пратэстамі ў ЗША, выйшлі на вуліцы Вечнага горада.
Маштабная акцыя пратэсту вылілася ў беспарадкі. Як паведамляе Assоcited Press, невялікая група агрэсіўна настроеных дэманстрантаў аддзялілася ад асноўнай масы, пачала разбіваць вітрыны крам, падпальваць аўтамабілі і нападаць на службовыя машыны рэпарцёраў Sky Italia.
«Людзі ў Еўропе: уздымайцеся!» — абвяшчаюць лозунгі.
Некаторыя мірна настроеныя дэманстранты паспрабавалі уціхамірыць агрэсіўных пратэстоўцаў, сталі кідаць у іх бутэлькі. Частка ўдзельнікаў акцыі пасля пачатку беспарадкаў разбеглася па дамах.
Акцыі пратэсту супраць палітыкі ўладаў запланаваныя на суботу ў многіх краінах, у тым ліку Канадзе, ЗША, Вялікабрытаніі, Германіі, Аўстраліі.
Эканоміка Італіі цяпер знаходзіцца не ў самым лепшым становішчы. Міжнародныя агенцтвы працягваюць зніжаць рэйтынгі краіны.
Нягледзячы на крызіс, напярэдадні ўрад Сільвіа Берлусконі атрымаў вотум даверу ад парламента.
Цяпер чытаюць
Што вядома пра затрыманых радыёаматараў, якім пагражае аж да расстрэлу5
Каментары