Румас: стаўкі дасягнуць піку ў снежні
Віцэ-прэм'ер спадзяецца, што ў канцы снежня інфляцыя істотна зменшыцца.
Віцэ-прэм’ер Беларусі Сяргей Румас лічыць, што ў снежні стаўкі грашовага рынка ў краіне дасягнуць свайго піка, а затым, з улікам чакаемага зніжэння інфляцыі ў снежні, магчыма іх змяншэнне. Пра гэта ён заявіў, выступаючы ў парламенце.
Пры гэтым ён чакае, што Нацбанк будзе разглядаць магчымасць зніжэння стаўкі рэфінансавання.
«Трэба максімальна хутка дасягнуць піка ставак, а затым хутка змяншацца», — растлумачыў ён абраную тактыку.
Віцэ-прэм’ер канстатаваў, што «вонкавыя партнёры, напрыклад Антыкрызісны фонд Еўразэс, крытыкуюць нас за тое, што працэнтныя стаўкі маюць адмоўнае значэнне ў рэальным выразе». «Пры абмеркаванні магчымасці вылучэння другога транша крэдыту Антыкрызіснага фонду, гэта пытанне было адным з асноўных», — сказаў ён.
Нагадаем, стаўкі па экспрэс-крэдытах у Беларусі перайшлі за мяжу ў 100%, стаўкі па дэпазітах вышэйшыя за 50%.
Стаўка рэфінансавання знаходзіцца на ўзроўні 40%, гэта сусветны рэкорд. Конга, якое знаходзіцца на другім месцы, Беларусь апярэджвае амаль у два разы.
Каментары