«Бой калядных званоў адагравае нават самыя заледзянелыя сэрцы»: Віншаванне Лукашэнкі з Раством
Афіцыйны кіраўнік Беларусі Аляксандр Лукашэнка павіншаваў грамадзян Беларусі з Раством Хрыстовым, якое частка грамадства святкуе заўтра, 25 снежня.
У віншаванні гаворыцца:
«Дарагія суайчыннікі!
Віншую вас з Раством Хрыстовым.
На працягу двух тысячагоддзяў гэта свята з’яўляецца для мільёнаў людзей увасабленнем вялікай надзеі і веры. Бой калядных званоў адагравае нават самыя заледзянелыя сэрцы,
натхняе на міласэрныя ўчынкі і дапамагае яшчэ глыбей спасцігнуць спрадвечны сэнс евангельскіх запаведзей, у аснове якіх — бязмежная дабрыня і ўсёдаравальная любоў.
Раство — гэта ўрачысты час для кожнай сям’і, сімвал яднання любячых бацькоў і шчаслівых дзяцей. Толькі ў асяроддзі блізкіх чалавеку дадзена спазнаць незабыўныя пачуцці шчырай любові і бескарыслівага клопату. Дык давайце навучымся шанаваць простыя радасці, захоўваць мір і спакой дарагіх нам людзей, адорваючы іх сваім душэўным цяплом. Няхай Віфлеемская зорка азарае ваш шлях, напаўняючы святлом кожнае імгненне жыцця.
Сардэчна жадаю вам моцнага здароўя, шчасця, добрага настрою, аптымізму, удачы і поспехаў ва ўсіх пачынаннях.
Аляксандр Лукашэнка@
Гэтая дзяўчына выйшла ў цэнтры Гродна з плакатам «Не вайне». Яна расказала, што перажыла пасля13
Каментары