ЕС услед за ЗША рыхтуецца ўвесці санкцыі супраць Ірана — пачынае з нафтавага эмбарга
Краіны Еўрасаюза рыхтуюцца да ўвядзення эканамічных санкцый супраць Ірана.У ЕС заявілі, што прыйшлі да згоды ўвесці эмбарга на імпарт сырой нафты з Ірана ў выпадку, калі Тэгеран не пачне супрацоўнічаць з міжнароднай супольнасцю ў пытанні аб сваёй ядзернай праграме. Разглядаюцца і іншыя санкцыі. Усё гэта адбываецца на фоне наймацнейшага абвастрэння адносін паміж ЗША і Іранам.
Як паведаміла журналістам у Брусэлі ў сераду на ўмове ананімнасці еўрапейская дыпламатычная крыніца, «прынцыповая згода» паміж 27 краінамі ЕС дасягнутая з нагоды эмбарга на імпарт нафты, але «трэба будзе яшчэ шмат працы».
Пакуль абмеркаванне ідзе вакол тэрмінаў магчымага ўвядзення эмбарга і яго мадальнасцяў. Па словах дыпламатаў, паміж краінамі ЕС застаюцца значныя рознагалоссі па тэрмінах.
Як адзначае BBC, экспарт нафты ў ЕС забяспечвае да 17% ВУП Ірана. Усяго ж, па некаторых дадзеных, Іран атрымлівае да паловы даходу ад продажу нафты, і пасля ўвядзення санкцый яму давядзецца шукаць новых пакупнікоў у Азіі.
Каментары