Паведаміў намеснік генеральнага дырэктара па ўтрыманні аб’ектаў гарадскога добраўпарадкавання ДВА «Гаррамаўтадар» Анатоль Жамоздзік.
Анатоль Жамоздзік адзначыў, што дарожныя службы сталіцы працуюць кругласутачна ў дзве змены. Для ліквідацыі наступстваў снегападу ў горадзе выкарыстоўваецца каля 400 адзінак спецыялізаванай тэхнікі: снегапагрузчыкі, камбінаваныя дарожныя машыны, аўтагрэйдары, бульдозеры, солераскідальнікі ды інш. У першую чаргу расчышчаюць цэнтральныя магістралі, затым — другаcныя вуліцы.
Намеснік гендырэктара адзначыў, што дарожнікам даводзіцца працаваць у складаных умовах надвор’я. Прыбраць праезную частку і тратуары ад снега цалкам не ўяўляецца магчымым. «Толькі мінулай ноччу ў Мінску тройчы перамяталі дарогі. Снег не спыняецца.
Пакуль тэхніка змяце снег і апрацуе дарогі процігалалёднымі рэагентамі, трэба пачынаць гэтыя работы па новым коле»,— канстатаваў Анатоль Жамоздзік.
Тым не менш дарожныя службы сталіцы гатовыя забяспечыць парадак на магістралях. Для гэтых мэтаў задзейнічаюць ўвесь аўтапарк ДВА «Гаррамаўтадар» і іншых арганізацый.
Для Мінска вызначана 14 участкаў для часовага складвання снегу ў зімовы перыяд, з іх 11 участкаў — на тэрыторыі горада і 3 ўчасткі — у Мінскім раёне.
Каментары