Дзіўная анамалія назіралася ў Алжыры: у пустыню Сахара прыйшлі халады і выпаў снег,паведамляюць інфармагенцтвы.
Снежнае покрыва пратрымалася ў пустыні ўсяго суткі. Аднак сам факт таго, што ў Сахары некаторы час была мяцеліца, варты ўвагі. Такія прыродныя з’явы адбываюцца вельмі рэдка.
У сонечнай Турцыі зіма таксама выдалася нялёгкая. Так, на поўначы краіны праз магутны снегапад абваліўся дах гандлёвага цэнтра. У выніку здарэння загінулі два чалавекі, яшчэ 20 атрымалі раненні.
На поўдні Сербіі ў горных раёнах перакрытыя аўтамабільныя трасы. Вышыня гурбаў там дасягае 1,5 м. Частка населеных пунктаў засталася без электрычнасці.
Каментары