Сілуанаў: Беларусь не выконвае ўмоваў крэдыту Антыкрызіснага фонду ЕўрАзЭС
Пра гэта міністр фінансаў Расіі заявіў 23 красавіка, выступаючы ў нью-ёркскай Радзе па міжнародных адносінах, перадае ІТАР-ТАСС.
«Апошні раз, калі мы збіраліся ў рамках Антыкрызіснага фонду і глядзелі праграму выканання Беларуссю пераліку мер, якія з’яўляюцца падставай для вылучэння чарговага траншу, у мяне з’явілася некалькі пытанняў, і я прапанаваў ўдакладніць саму праграму. Акрамя таго, нават па дзеючых параметрах гэтай праграмы не ўсе паказчыкі выконваюцца Беларуссю. У першую чаргу, гаворка ідзе аб’ёме крэдытавання эканомікі Нацбанкам», — сказаў Антон Сілуанаў.
Па словах кіраўніка расійскага Мінфіна, у Беларусі цяпер няма праблемы з разлікамі па валютных абавязацельствах. «Яны атрымалі дастаткова валюты за прыватызацыю часткі сваіх аб’ектаў. Таму праблема дастатковасці золатавалютных рэзерваў у Беларусі цяпер не стаіць», — адзначыў Сілуанаў.
Ён таксама дадаў, што Беларусь не звярталася да Расіі з просьбай паскорыць прыняцце рашэння аб выдзяленні чарговага траншу аб’ёмам 440 млн даляраў. «Гэтае пытанне будзе разглядацца ў звычайным парадку», — сказаў міністр.
Цяпер чытаюць
Зяленскі ў Вільні: Пакуль шпіц Лукашэнкі мае больш правоў, чым народ Беларусі1
Каментары