Ягоныя абломкі знайшлі на гары ў Інданэзіі.
У Інданэзіі выяўлены зніклы 9 мая расейскі самалёт Sukhoi Superjet 100. Як паведамляюць інфармагенцтвы, абломкі лайнера былі знойдзены пошукавай групай на схіле гвулкана Салак у заходняй частцы вострава Ява на вышыні 1650 м.
Недалёка ад месца падзення лайнера створаны аператыўны штаб, пачаты пошук фрагментаў і бартавых самапісцаў. Прадстаўнік штаба пошукава-выратавальных работ паведаміў, што пакуль няма прыкметаў таго, што нехта выжыў у выніку аварыі. Паводле ўдакладненых звестак, на борце самалёта было 50 чалавек, у тым ліку восем грамадзян Расіі, двое італьянцаў, француз і амерыканец. Усе астатнія - інданезійцы.
Прэзідэнт Інданэзіі Сусіла Бамбанг Юдхаёна заявіў, што мае быць праведзена дбайнае расследаванне прычын крушэння самалёта. У Расіі па распараджэнні прэм'ер-міністра Дзмітрыя Мядзведзева створана спецыяльная камісія па расследаванні прычын аварыі. У Інданэзію накіраваны прадстаўнікі ведамстваў, звязаных з распрацоўкай і камерцыйнай рэалізацыяй самалётаў гэтай мадэлі.
Найноўшы расійскі пасажырскі самалёт Sukhoi Superjet 100 прапаў падчас дэманстрацыйнага палёту прыкладна за 40 марскіх міляў ад аэрапорта Джакарты. Версіі разглядаліся самыя розныя - ад тэхнічнай няспраўнасці да выкрадання самалёта. На сёння менавіта з праектам SSJ 100 былі звязаны асноўныя камерцыйныя планы і надзеі расійскага грамадзянскай авіяпрама. Гэта было першае ў гісторыі сучаснай расійскай авіяцыі роўд-шоу пасажырскага самалёта.
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі16
Каментары