Прэзідэнт НАК перайначыў алімпійскі дэвіз.
Такі наказ на дарогу ад імя беларускага народа алімпійцам даў кіраўнік Беларусі, прэзідэнт Нацыянальнага алімпійскага камітэта Аляксандр Лукашэнка на ўрачыстай цырымоніі провадаў беларускіх спартсменаў на XXX летнія Алімпійскія гульні ў Лондане.
«Хачу, каб вы разумелі, што ў спорце ўсё бывае, але толькі не на Алімпійскіх гульнях.Да Алімпійскіх гульняў чалавек рыхтуецца і рыхтуе ўсе рэзервы, якія ў яго ёсць. Таму можа быць толькі перамога, — падкрэсліў кіраўнік дзяржавы. — Галоўнае не ўдзел, а перамога. Вось вам мой наказ ад імя беларускага народа».
Аляксандр Лукашэнка пажадаў алімпійцам, каб яны выступілі дастойна, зрабіўшы тое, што яны ўмеюць, пакінуўшы ў баку хваляванне.«Вы павінны навучыцца берагчы сябе ад залішняга націску», — даў наказ Лукашэнка.
Ён таксама падкрэсліў, што высока цэніць кожнае паспяховае выступленне спартсменаў і работу трэнераў. «Дзяржава для вас зробіць усё. Заваюйце гэтыя ўзнагароды і перад вамі ў нашай краіне будуць раскрыты ўсе дзверы, у тым ліку і да прэзідэнта», — дадаў Аляксандр Лукашэнка.
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску17
Каментары