Белстат: Сярэдні заробак у Мінску — 578 даляраў
Сярэдняя заработная плата ў Мінску ў чэрвені гэтага года дасягнула 4 млн 807,7 тыс. рублёў, паведамляе БелТА са спасылкай на Нацыянальны статыстычны камітэт. Гэта прыкладна — 578 даляраў у эквіваленце.
На другой пазіцыі, паводле Белстата,- Мінская вобласць (3 млн. 740,7 тыс. — 450 даляраў), на трэцяй — Гомельская (Вr3 млн. 603,2 тыс. -- 434 даляры). Чэрвеньскі сярэдні заробак у Магілёўскай вобласці быў роўны Br3 млн. 450,5 тыс. (416 даляраў), у Віцебскай — Br3 млн. 438,8 тыс. (414 даляраў), у Гродзенскай — Br3 млн. 366,5 тыс. (405 даляраў), у Брэсцкай вобласці — Вr3 млн. 243,5 тыс (390 даляраў).
Як адзначылі ў Белстаце, самая высокая сярэдняя заработная плата ў чэрвені зафіксаваная па такіх відах эканамічнай дзейнасці, як дзейнасць, звязаная з вылічальнай тэхнікай, — Br9 млн. 993,2 тыс., вытворчасць коксу, нафтапрадуктаў і ядзерных матэрыялаў — Br8 млн. 304, 4 тыс., паветраны транспарт — Br7 млн. 172,7 тыс.
***
Нагадаем, што ўчора Нацыянальны статыстычны камітэт паведаміў, што ў чэрвені налічаны сярэдні заробак «бруднымі» склаў 3 млн 752 тыс. 118 рублёў (452 даляры ў эквіваленце).
Лукашэнка, у сваю чаргу, прымаючы з дакладам прэм'ер-міністра Міхаіла Мясніковіча, сказаў, што сярэдні заробак павінен быць мінімум $500 у эквіваленце.
«Хацеў бы пачуць, што з заработнай платай. Трэба людзей усё ж такі падцягнуць да $500, а далей яны, маючы ўжо нейкую падушку бяспекі (усё ж такі гэта нармальны заробак), будуць самі зарабляць грошы, і нам можна дыстанцыявацца ад таго, каб зверху нагнятаць сітуацыю з заробкам. Але сярэдняя зарплата ў $500 — гэта самы мінімум, які павінен быць у нашай краіне».
Мясніковіч жа зазначыў, што сярэдні заробак павышаецца больш хуткімі тэмпамі, чым планавалася.
Цяпер чытаюць
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме1
Каментары