Невядома, колькі гадоў ураджэнец Вілейкі Аляксандр Андрон правёў за кратамі.
Пасля таго як у пачатку
За краты на вялікі тэрмін адправілі і Аляксандра Андрона, які ўзначальваў «Белзнешпрамсэрвіс». А нядаўна стала вядома, што былы бізнэсовец вызваліўся.
Не дасядзеў…
Аляксандр Андрон з’яўляўся генеральным дырэктарам «Белзнешпрамсэрвіса» — прадпрыемства, якое прадавала зброю, займалася рамонтам і мадэрнізацыяй вайсковай тэхнікі.
Яго затрымалі восенню 2003.Абвінавацілі ў атрыманні хабару; крадзяжы шляхам злоўжывання службовымі паўнамоцтвамі ў асабліва буйных памерах; парушэнні таямніцы ліставання, тэлефонных перамоваў, тэлеграфных альбо іншых паведамленняў; падробцы і вырабе альбо збыце падробленых дакументаў, пячатак, бланкаў; незаконных дзеяннях у адносінах да агнястрэльнай зброі, боепрыпасаў і выбуховых рэчываў; махлярстве, здзейсненым арганізаванай групай.
Суд скончыўся толькі ў маі 2005. Андрон атрымаў 10 гадоў турмы з канфіскацыяй маёмасці і забаронай на пяць гадоў займацца прадпрымальніцкай дзейнасцю.
За што ж арыштавалі багацея? У 2000–2003 гендырэктар «Белзнешпрамсэрвіса» з таварышам купіў устаноўчыя дакументы некалькіх замежных фірмаў і адкрыў рахункі ў латвійскіх банках. І з гэтымі фірмамі пачалі заключаць дамовы ад імя «Белзнешпрамсэрвіса». У выніку па дамовах паставак і працэнтах займаў Аляксандр Андрон з таварышам атрымаў каля 5 мільёнаў даляраў. І здзелкі гэтыя былі не зусім чыстыя, калі імі зацікавіліся праваахоўныя органы. Акрамя гэтага, гендырэктар са сваім падначаленым прысвоіў грошы прадпрыемства на камандзіроўкі — каля 7 тысяч даляраў. Апошняя сума выглядае смешнай у параўнанні з мільённым прыбыткам.
Асудзілі і падзельнікаў гендырэктара. Яго таварыш атрымаў 2 гады пазбаўлення свабоды, падначалены — 2,5 года «хіміі».
Таксама Андрона абвінавацілі ў тым, што ён вёў праслухоўку іранскіх бізнэсоўцаў, з якімі ў Беларусі праводзіліся перамовы. І той нібыта ў гэтай частцы віну прызнаў. У астатнім — адмаўляў.
Пасля шматмесячнага ліставання з Міністэрствам унутраных спраў удалося высветліць лёс
Зрэшты, хто можа паручыцца, што ён сядзеў. Былі адваротныя выпадкі Тамары Віннікавай, Галіны Жураўковай. Ці бліжэйшая па часе справа ўладальніка ГЦ «Ждановічы» Яўгена Шыгалава.
Дзе шукаць Андрона?
Аляксандр Андрон — для інтэрнэту асоба загадкавая. Знайсці нейкія ўзгадкі пра яго — амаль немагчыма.
У Вілейцы, дзе да пераезду жыў, Андрон будаваў сабе дом. Чатырохпавярховы цагляны катэдж паўстаў у цэнтры горада.Побач знаходзілася амаль выключна аднапавярховая забудова. Таму палац гандляра зброяй вылучаўся на агульным фоне.
Да каго ні звяртаўся з вілейчукоў, ніхто не змог прыгадаць, ці паспеў засяліцца туды бізнэсовец. Нейкі час дом стаяў пустым, пакуль туды не перасялілі Вілейскі ваенкамат. Сёння, праўда, верхнія паверхі аддадзены пад жытло. Раптам вярнуўся былы гаспадар? Набіраем нумар (у некаторых тэлефонных базах
У Мінску, праўда, некалькі кватэр зарэгістраваныя на цёзак па прозвішчу
*** «Белзнешпрамсэрвіс» — дзяржаўнае
Каментары