Суцэльныя загадкі.
Журналіст Уладзімір Чудзянцоў апублікаваў у сваім блогу ў Facebook фатаграфію дыпламатычнага пашпарта Аляксандра Лукашэнкі. Здымак быў зроблены ў часе экскурсіі ў новаадкрыты Музеі беларускай дзяржаўнасці.
«Гэта менавіта дыпламатычны пашпарт Лукашэнкі. Пасля таго, як ён стаў нядзейным паводле тэрміну дзеяння, яго перадалі ў музей», — адзначыў журналіст.
Гэты пашпарт выдалі ў 1997 годзе. Тэрмін яго дзеяння скончыўся ў 2002-м.
Пры гэтым транскрыпцыя імя і прозвішча Лукашэнкі пададзена з расейскай мовы, хоць імя па правілах транскрыпцыя павінна быць з нацыянальнай, беларускай мовы.
Месцам нараджэння Аляксандра Лукашэнкі ўказаны Магілёў, хоць нарадзіўся ён у пасёлку Копысь Аршанскага раёна Віцебскай вобласці.Дата нараджэння — 30 жніўня 1954 года. Але пазней у якасці дня нараджэння стаў указвацца дзень 31 жніўня.
Нарэшце, адсутнічае абавязковы для ўсіх асабісты нумар.
Уладзімір Чудзянцоў абяцае неўзабаве вялікі рэпартаж на партале Tut.by.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў15
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары