Лукашэнка запатрабаваў не дапускаць у парках Мінска неабгрунтаваных забудоў
Аляксандр Лукашэнка запатрабаваў не дапускаць у паркавых зонах Мінска неабгрунтаваных забудоў.Як паведаміла
На думку беларускага кіраўніка, у паркавых зонах аб’екты могуць стварацца толькі ў строгай адпаведнасці з зацверджанымі горадабудаўнічымі дакументамі, у прыватнасці Генеральным планам забудовы Мінска.
Варта зазначыць, што, нягледзячы на пратэсты жыхароў і грамадскасці, у парку
40-годдзя Кастрычніка вядзецца будаўніцтва гатэля «Пекін».
На сустрэчы таксама былі закрануты пытанні, што ўзнікаюць у сувязі з ушчыльненнем забудовы ў Мінску.
«Мінск трэба комплексна прыводзіць у парадак, каб іншыя гарады бралі прыклад. Ужо абыходзяць сталіцу і Гродна, і Гомель, дый ва ўсе абласныя цэнтры прыедзеш — адпачываеш. У Мінску ў нас шмат робяць, але цэласнай карціны не ствараюць. Трэба браць кожны квартал, можа дом, паліклініку, двор і ствараць нейкія ізюмінкі. Увогуле, трэба добраўпарадкоўваць горад так, каб ён застаўся ў душы мінчан». Рабіць гэта трэба, не затрачваючы вялікі сродкаў, мяркуе Аляксандр Лукашэнка. На яго думку, значны ўнёсак у навядзенне парадку ў горадзе павінны ўнесці самі гараджане.Лукашэнка звярнуў увагу на неабходнасць комплекснага развіцця сталіцы:
Афіцыйны лідар падтрымаў ініцыятыву горада адносна павелічэння будаўніцтва арэнднага жылля, якое, як паказала практыка, вельмі запатрабаванае. Як сказаў Ладуцька, зараз аформленыя дагаворы прыкладна на 70 здаваемых горадам у арэнду кватэр. Аб попыце на такі від паслугі гаворыць той факт, што на адну каватэру было 12 заявак з боку грамадзян, якія маюць патрэбу ў паляпшэнні жыллёвых умоў.
Лукашэнка падтрымаў прапанову аб будаўніцтве да 2015 года 3 тыс. арэндных кватэр. Паводле слоў Ладуцькі, крыніцамі рэалізацыі гэтага праекта будуць бюджэтныя сродкі, а таксама крэдыты банкаў і аблігацыйная пазыка Мінгарвыканкама.
Цяпер чытаюць
Джэфры Эпштэйн некалькі разоў атрымліваў візу ў Беларусь. І дакладна наведваў нашую краіну7
Каментары