Матэрыялы крымінальнай справы ў дачыненьні да сьпевака Віктара Каліны і яго жонкі перададзеныя ў суд Ленінскага раёна Менска
Міністэрства ўнутраных спраў Беларусі накіравала ў Ленінскі суд Мінска матэрыялы крымінальнай справы ў дачыненні да вядомага выканаўца Віктара Каліны і яго жонкі Святланы.
Як паведаміў БелаПАН начальнік упраўлення па расследаванні злачынстваў у сферы арганізаванай злачыннасці і карупцыі галоўнага ўпраўлення папярэдняга расследавання МУС Дзмітрый Данільчык, В.Каліна абвінавачваецца ў арганізацыі махлярства ў асабліва буйным памеры (ч. 4 арт. 16 і ч. 4 арт. 209 КК), арганізацыі заведама непраўдзівага даносу (ч. 4 арт. 16 і ч. 2 арт. 400 КК) і заведама непраўдзівае паказанне (ч. 2 арт. 401 КК). Другі і трэці склады тычацца дзеянняў беларускага выканаўца ў Маскве, якія былі ім ажыццёўлены для атрымання страхоўкі за нібыта выкрадзены аўтамабіль «Мерседэс». Святлана Каліна абвінавачваецца ва ўчыненні махлярства ў асабліва буйным памеры (ч. 4 арт. 209 КК).
Зараз В.Каліна знаходзіцца пад вартай, яго жонка 21 лютага была адпушчана са следчага ізалятара пад залог.
Нагадаем, 5 студзеня 2007 года В.Каліну арыштавалі па абвінавачанні ў махлярстве (ч. 4 арт. 209 КК). Яшчэ раней, 27 снежня 2006 года, у Мінску была затрымана, а потым арыштавана яго жонка. Яе затрымалі ў «Абсалютбанку» пры спробе незаконнага атрымання страхавой сумы ў памеры больш чым 71 млн. рублёў у сувязі з нібыта выкараданнем у Маскве аўтамашыны «Мерседэс», застрахаванай на 34 тыс. долараў.
Паводле слоў Д.Данільчыка, «Мерседэс» знойдзены ў Беларусі, тэрыторыю краіны ён не пакідаў. Следствам устаноўлены саўдзельнік мужа і жонкі Каліна, нейкі расійскі грамадзянін. Матэрыялы ў дачыненні да яго накіраваны ў праваахоўныя органы Расіі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары