Хлопец з Мінска, які за $2,5 тыс. зняў фільм, паказаў яго ў інтэрнэце
Гісторыя мінчука Кірыла Нонга, які за смешныя грошы ўмудрыўся зняць фільм у галівудскім стылі, скаланула інтэрнэт.
Трэйлер шпіёнскага баевіка паглядзелі тысячы чалавек, і большасць зрабіла выснову, што Кірыл — сапраўдны талент. Сёння на сайце маладога рэжысёра фільм з’явіўся цалкам.
Кірылу Нонгу 22 гады. У фільме «Здымаць на паражэнне» ён выступае ў якасці рэжысёра, сцэнарыста, аператара і прадзюсера ў адной асобе. Праца над карцінай заняла крыху больш за год. Акторы — сябры і знаёмыя — здымаліся абсалютна бясплатна. Канчатковы бюджэт аказаўся на некалькі сотняў даляраў большым, чым раней казаў Кірыл: не 2500, а каля 2700 даляраў. І ўсё роўна не верыцца.
— Паглядзеўшы трэйлер, многія сумняваліся, што ў нас можна арандаваць верталёт і ўкласціся ў невялікі бюджэт…
— Насамрэч гэта вельмі кароткая сцэна: на верталёце мы лёталі 15 хвілін, заплацілі на той час, калі не памыляюся, 1,2 млн рублёў, — кажа рэжысёр. — Так што ўсё рэальна!
Закрыты паказ фільма прайшоў на гэтым тыдні. Гледачам фільм спадабаўся, хіба толькі многія казалі, што 50 хвілін — занадта мала.
— Пасля таго як праца завершаная, мне трэба адпачыць, — кажа пра планы на будучыню Кірыл. — Нейкіх канкрэтных прапановаў ні ад кога не паступала. Сустрэўся толькі з дырэктарам «Беларусьфільма», пагаварылі… Калі варыянтаў не з’явіцца, зноў займуся праектам «за ідэю». Ідэй у мяне хапае!
Фільм Кірыла Нонга «Здымаць на паражэнне»:
Снимать на поражение (фильм) from Chris Nong on Vimeo.
Цяпер чытаюць
57‑гадовую ўраджэнку Вінніцы асудзілі за каментары ў тэлеграме. Сябе яна называла «ўкраінкай з акупаванага Мінска»3
Каментары