П’яны інструктар па кіраванні ў Мінску на вучэбным аўтамабілі вёз курсантаў на ўнутраны іспыт, паведаміла старшы інспектар па агітацыі і прапагандзе АДАІ Фрунзенскага раёна сталіцы Алена Волчак.
Выкладчыка затрымалі сёння на вуліцы Якубоўскага каля 12:00. На Daewoo Matiz ён вёз на ўнутраны экзамен трох курсантаў аўташколы. Інспектары спынілі гэтую машыну для праверкі ў рамках акцыі «Вучэбны аўтамабіль». Дакументы ў кіроўцы былі ў парадку, але работнікі ДАІ западозрылі характэрны пах алкаголю.
Праверка пацвердзіла іх здагадкі: на выдыху ў мужчыны зафіксавана 0,75 праміле алкаголю.Пры гэтым, паводле слоў Алены Воўчак, гэта толькі першапачатковая праверка, пры медыцынскім аглядзе, куды павезлі кіроўцы, у яго крыві можа апынуцца і большае значэнне.
Аўтамабіль жа адагналі на штрафстаянку.
Высвятленне абставінаў працягнецца, а самая сур’ёзная ўвага будзе нададзена аўташколе кіроўцы, якая зарэгістраваная ў Заслаўі.«Трэба высветліць, хто пусціў такога выкладчыка за руль», — адзначыла Алена Волчак.
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары