Абіраць кіраўніка Акадэміі Навук будзе кіраўнік дзяржавы.
23 кастрычніка Аляксандар Лукашэнка падпісаў загад аб вызваленні Анатоля Русецкага ад пасады старшыні прэзыдыюму Нацыянальнай акадэміі навук Беларусі ў сувязі з пераходам на выбарную пасаду. Гэтае рашэнне чакалася, бо спадара Русецкага днямі абралі намеснікам старшыні савету рэспублікі — верхняй палаты нацыянальнага сходу.
Усе кажуць, што прэтэндэнтаў гэтым разам як ніколі шмат, а выбар зробіць Аляксандар Лукашэнка.Хто заменіць Анатоля Русецкага ў Акадэміі навук? Крыніцы «Свабоды» ў акадэміі на гэтае пытанне не даюць пэўнага адказу.
Дарэчы, Анатоля Русецкага, як і яго папярэдніка Міхаіла Мясьніковіча, прызначыў кіраваць акадэміяй непасрэдна Аляксандар Лукашэнка. Прычым
раней, паводле статуту акадэміі, яе кіраўнік абіраўся выключна з навуковай эліты — акадэмікаў. Але пасля прызначэння спадара Мясьніковіча статут змянілі.
А раней першую асобу ў Акадэміі навук абіралі на агульным сходзе. У ім удзельнічалі акадэмікі, члены-карэспандэнты, дырэктары акадэмічных інстытутаў, а таксама абраныя навуковыя супрацоўнікі з квотай у залежнасці ад памераў інстытуту.
Апошні раз прэтэндэнты былі чатыры: Аляксандр Вайтовіч, Андрэй Ганчарэнка, Анатоль Дастанка і Анатоль Рубінаў. Тады ўжо ў першым туры перамог спадар Вайтовіч, які набраў больш за палову галасоў удзельнікаў агульнага сходу.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары