Аргкамітэт Кангрэса дэмсілаў просіць Адміністрацыю прэзыдэнта дазволу правесьці мерапрыемства ў Менску
Ня выключана, што Кангрэс пройдзе ў Палацы Рэспублікі.
У Мінскі гарвыканкам пададзена заяўка на правядзенне 26‑27 мая Кангрэса дэмакратычных сіл (КДС). Пра гэта 7 мая на прэс‑канферэнцыі ў Мінску паведаміў кіраўнік аргкамітэта па падрыхтоўцы КДС Аляксандр Бухвостаў.
Арганізатары таксама накіравалі лісты з просьбай прадаставіць памяшканне для правядзення КДС у тры арганізацыі, што маюць для гэтага неабходныя ўмовы, — Палац рэспублікі, канцэртную залу «Мінск» і Палац культуры Мінскага аўтазавода. Апрача гэтага, накіраваны ліст у Адміністрацыю прэзідэнта з просьбай дазволіць правядзенне КДС, бо, паводле слоў А.Бухвостава, «такія мерапрыемствы не праводзяцца без дазволу вышэйшага кіраўніцтва краіны». Адказ арганізатары кангрэса просяць даць да 16 мая, каб да даты правядзення КДС паспець вырашыць усе праблемы.
Рэгіянальныя канферэнцыі па падрыхтоўцы КДС ужо прайшлі ў трох абласцях — Мінскай, Гомельскай і Гродзенскай. Усе сходы, паводле слоў А.Бухвостава, мелі неабходны кворум, для ўдзелу ў КДС на іх дадаткова абраны 21 дэлегат (усяго, як чакаецца, у працы кангрэса возьме ўдзел прыблізна тысяча дэлегатаў). Большасць удзельнікаў праведзеных рэгіянальных сходаў — 117 чалавек — прагаласвалі за абранне некалькіх сустаршыняў Палітсавета аб’яднаных дэмакратычных сіл. За абранне адзінага лідэра Палітсавета выступілі 112 чалавек. Па пытанні, якім чынам будзе выбірацца кіраўніцтва Палітсавета — на КДС або членамі Палітсавета, галасы размеркаваліся наступным чынам: 118 і 114 адпаведна.
Асноўныя дакументы, што выносяцца на КДС, — «Пазітыўная альтэрнатыва для грамадства», «Малая Канстытуцыя» і «Эканамічная платформа аб’яднаных дэмакратычных сіл» — ухвалены большасцю ўдзельнікаў рэгіянальных канферэнцый.
10 мая канферэнцыя па падрыхтоўцы КДС пройдзе ў Мінску, 12 мая — у Брэсцкай вобласці, 13 мая — у Магілёўскай і Віцебскай абласцях.
-
Расійская спявачка Вікторыя Дайнека мала таго што пракацілася з канцэртамі па акупаваных тэрыторыях, дык яшчэ і пастраляла
-
Статкевіч: Зараз толькі фармальная незалежнасць пакуль ратуе нас ад наўпроставага ўцягвання ў расійска-ўкраінскую вайну
-
Завяршыць рамонт моста цераз Свіслач у Мінску плануюць да пачатку верасня
Цяпер чытаюць
«Калі вы пазакрываеце я**льнікі»: злоўлены на допінгу амапавец з Гродна паказаў сваё высокакультурнае аблічча10
Каментары