Навіны
Амністыя
2 тыс. асуджаных выйдуць на волю дзякуючы новай амністыі. Яшчэ 5 тыс. чалавек вызваляцца цягам году, а 20 тысячам будзе скарочаны тэрмін.
Газаправод у абход Беларусі
Прэзыдэнты Расеі, Украіны і канцлер Нямеччыны падпісалі пагадненьне пра разбудову газаправоду з Расеі ў Эўропу праз Украіну. Праект пампаваньня газу празь Беларусь пахаваны.
Гульні вакол прыватызацыі
Намесьнік міністра эканомікі А.Тур агучыў новую канцэпцыю прыватызацыі прадпрыемстваў нафтахіміі. Яе ідэя такая: на гэтым этапе кантрольнага пакету акцый не прадаваць, а ўвогуле акцыі прадаваць па 10%. Гэтая заява А.Тура выклікала неадкладную рэакцыю расейскіх алігархаў. Кампанія “Ітэра” заявіла пра скарачэньне паставак газу ў Беларусь напалову, быццам бы “з-за беларускай запазычанасьці 24 млн. даляраў” — і гэта празь дзень пасьля доўгае сустрэчы Лукашэнкі з Пуціным. А “Сургутнафтагаз” пагражае ўкласьці грошы, якія трымаў для Беларусі, ва ўкраінскую прамысловасьць.
Менгарвыканкам захістаўся
Рабочыя, якія працуюць на рэканструкцыі плошчы Незалежнасьці, днямі заўважылі, што пад аркай у будынку мэтрапалітэну вадой размыла глебу да самай плятформы. Вада дайшла да падмурку суседняга будынку — Менгарвыканкаму, і той цяпер пад пагрозай абвалу.
Будынак упраўленьня мэтрапалітэну, які пабудавалі ў 1984 г. паміж Менгарвыканкамам і корпусам БДУ, стаіць на спэцыяльных гумовых падушках. А вось калёны, якія трымаюць арку, трымаюцца на падмурку. Пад ім вада размыла глебу аж на 9 мэтраў. Плятформа, на якой месьціцца гэты будынак і будынак Менгарвыканкаму, пачала апускацца. Зроблена ўжо некалькі дзясяткаў сьвідравінаў, куды заліваюць цэмэнт, каб замацаваць канструкцыю. Ды ці ўратуе гэта сытуацыю, богведама.
Зрэшты, у Менгарвыканкаме сьцьвярджаюць, што ніякай небясьпекі для будынкаў няма.
Б.Т.
Двайнікі вядомых беларусаў. І не кажыце, што не задумваліся пра іх падабенства12
Каментары