| Люба Точка паездку ў Палангу згадвае з прыемнасьцю. Скарыстайце і вы свой шанец у сёлетнім розыгрышы! |
На сямейнай радзе было вырашана, што замест пераможцы паедзе яе старэйшая сястра Люба. Алена не крыўдавала: «У нашай сям’i вельмi добрыя адносiны. Я радавалася самой магчымасьцi падарожжа».
Любу Точку ў Паланзе ўразiла… цiшыня. І: «У кожным горадзе — скульптуры Дзевы Марыi». Потым родны Менск падаўся Любе напружаным i нэрвовым, а людзi — заклапочанымi i злымi. Люба кажа, што хоча зарабiць грошай, каб паехаць у Палангу зноў, i абавязкова разам зь сястрой.
Алена сёлета скончыць фiзыка-матэматычную клясу беларускай гiмназii, будзе паступаць у БДУIР. Яна два гады запар удзельнiчала ў гарадзкiх навукова-практычных канфэрэнцыях: вывучала мову летапiсаў ХVI ст., творы Скарыны. У вынiку — дыплёмы.
Алена прынцыпова заўсёды размаўляе па-беларуску. «У «НН» мне найбольш падабаюцца артыкулы, прысьвечаныя мастацтву (бо палiтыкай я ня вельмi цiкаўлюся), гiсторыi Шнiпа, Глёбуса, таксама вершы». Алена сьцьвярджае, што, калi конкурс для падпісчыкаў будзе ладзiцца й сёлета, яна, безумоўна, возьме ўдзел.
Юлiя Iнышава
Рэдакцыя «Нашай Нівы» праводзіць розыгрыш каштоўных прызоў для тых, хто падпішацца на нашу газэту на 2-е паўгодзьдзе. Галоўны прыз — падарожжа на Балтыйскае мора. Дасылайце на адрас Рэдакцыі копіі сваіх падпісных абанэмэнтаў (на цэлае паўгодзьдзе!). Наш адрас: а/с 537, 220050, Менск.
Апошні дзень падпіскі — 20 чэрвеня. Розыгрыш прызоў — 1 ліпеня.
Каментары