Дырэктару РУП «Белсаюздрук» Падгайнаму М.В.
В.а. дырэктара УП «Менгарсаюздрук» Івінскай Т.І.
Шаноўныя кіраўнікі арганізацый, што распаўсюджваюць прэсу!
Зьвяртаемся да Вас з просьбай паспрыяць таму, каб у газэтных шапіках зьявіліся існуючыя літаратурна-мастацкія часопісы «Дзеяслоў» і «Arche-Пачатак». Гэтыя выданьні робяць вялікую справу папулярызацыі беларускага слова, беларускае думкі. Яны працуюць нешаблённа, змагаюцца за сваю аўдыторыю.
Прыкрая недарэчнасьць, што часопісу «Дзеяслоў» было адмоўлена ў заключэньні дамовы на распаўсюд, а дамова на распаўсюд часопіса «Arche-Пачатак» была разарвана ў лістападзе. Між тым вяртаньне часопіса «Arche-Пачатак» па УП «Мінгарсаюздрук» за два апошнія гады не перавышала 20—30%, што вельмі мала нават па эўрапейскіх мерках як для літаратурна-мастацкага выданьня і паказвае на прыбытковасьць распаўсюду інтэлектуальных часопісаў. Калі ж па РУП «Белсаюздрук» вяртаньне часам і будзе большае, дык ці ня варта проста аптымізаваць рэгіянальную раскладку продажу выданьняў ці колькасьць прадаваных асобнікаў? Адсутнасьць часопісу ў продажы азначае, што спажыўцы недзе ў Лідзе ці Лунінцы зусім ня маюць магчымасьці знаёміцца з навінкамі беларускае і сусьветнае літаратуры.
Не рабіце грахоў перад айчынай, перад словам дзядоў і прадзедаў, ашчаджайце і абараняйце беларускае слова! Просім Вас знайсьці магчымасьць, каб у шапіках і крамах зьявіліся літаратурна-мастацкія часопісы «Дзеяслоў» і «Arche-Пачатак».
Алесь Бадак, Лявон Баршчэўскі, Пётра Васілеўскі, Анатоль Вярцінскі, Алесь Жук, Сяргей Законьнікаў, Васіль Зуёнак, Вольга Іпатава, Анатоль Кудравец, Алесь Масарэнка, Уладзімер Някляеў, Уладзімер Сіўчыкаў, Міхась Скобла, Кастусь Цьвірка
Цяпер чытаюць
Гэты беларус даследуе рак — вось што ён кажа пра SPF ад меланомы, навуковы прагрэс і самы складаны ў лячэнні рак3
Каментары