Штогод эксперты будуць выбіраць найлепшых навукоўцаў года.
Арганізацыйны камітэт Міжнароднага Кангрэса даследчыкаў Беларусі заснаваў штогадовую прэмію за найлепшую навуковую публікацыю пра Беларусь у галіне сацыяльных і гуманітарных навук.
«Рэч у тым, што зараз гуманітарныя дысцыпліны знаходзяцца ў складаным стане, — кажа адзін з заснавальнікаў кангрэса Андрэй Казакевіч. — Наша задача, узняць цікавасць да гуманітарных навук, паспрыяць папулярнасці і павысіць узровень працаў».
Ідэя прэміі ўзнікла пасля Другога кангрэса, які сёлета ладзіўся ў Каўнасе. Стала зразумела, што за год з’явілася шмат выдатных працаў, але ў той самы момант непрафесіяналізму ў удзельнікаў кангрэса (асабліва пачаткоўцаў) таксама яшчэ хапае. Тым не менш,
вартыя навуковыя працы часам проста не набываюць неабходнага рэзанансу ў грамадстве.
«Гэта персанальная прэмія, — кажа спадар Казакевіч.-То бок яе не можа атрымаць група навукоўцаў. І, канечне, гэта прэмія для
Паводле словаў спадара Казакевіча,
цяпер навуковыя прэміі Беларусі гэта амаль што манаполія дзяржавы. У большасці выпадкаў лаўрэаты вызначаюцца згодна з пасадамі і іх становішчам у дзяржаўнай іерархіі. Прэмія заснавальнікаў Кангрэса створыць іншую іерархію, у якую трапяць як незалежныя навукоўцы, так і «дзяржаўныя».
«Экспертаў мы будзем запрашаць і з дзяржаўных установаў, інакш немагчыма, — тлумачыць Казакевіч. — Склад журы будзе абвешчаны ў лютым, ашорт-ліст прэміі — у сакавіку».
Адправіць сваю працу на конкурс можа кожны, аднак яна павінна падпадаць пад наступныя крытэры: гэта мусіць быць тэкст памерам не менш за 20 тысяч знакаў (навуковы артыкул, манаграфія ці іншая акадэмічная форма прэзентацыі вынікаў даследавання), напісаны адным ці некалькімі аўтарамі (але пад навуковай рэдакцыяй аднаго чалавека).
Прэмія мае тры намінацыі:
1) Сацыяльныя навукі: палітычныя навукі, сацыялогія.
2) Гуманітарныя навукі: філасофія, філалогія, лінгвістыка, мастацтвазнаўства.
3) Гісторыя.
Публікацыі па праве і эканоміцы будуць прымацца ў тым выпадку, калі праца мае міждысцыплінарны характар і чапляе праблематыку асноўных сацыяльных і гуманітарных дысцыплін.
Памер прэміі — не меней за чатырыста еўра для кожнага з пераможцаў. Цырымонія ўручэння адбудзецца падчас Трэцяга Кангрэса даследчыкаў Беларусі, які, як стала вядома, адбудзецца 11–13 кастрычніка 2013 года ў Каўнасе.
Тэрмін падачы заяўкі — да 20 лютага 2013. Прапановы можна дасылаць па адрасе premija@palityka.org.
Каментары