Выратавальная аперацыя на палігоне ў Літве працягваецца. Чаму не ўдаецца адкрыць люк гусенічнай машыны?
Пошукі чацвярых зніклых амерыканскіх вайскоўцаў працягваюцца ўжо трэці дзень. На месцы здарэння — багністая мясцовасць, вайсковы палігон, тэхніка ратавальнікаў, цяжкая інжынерыя і глыбокая вада. Адно з ключавых пытанняў, якія хвалююць грамадскасць: калі бранямашыну ўжо знайшлі, чаму дагэтуль нельга праверыць, ці ёсць хтосьці ўнутры, піша «Волна».
Баявая машына, па паведамленнях вайскоўцаў, знаходзіцца на глыбіні прыкладна пяці метраў у балоце і паступова падтапляецца. Яе нават з цяжкасцю могуць намацаць металічнымі тросамі. Падрабязнасці аперацыі пакуль невядомыя, але, верагодна, машыну спрабуюць выцягнуць, а адначасова балота асушваюць і спрабуюць прадухіліць паступовае затапленне машыны (яна не герметычная).
Як паведаміла міністр абароны Давіле Шакалене, за апошнія суткі ў балоце быў пракладзены шлях для цяжкай тэхнікі. Цяпер задача — спыніць паступленне вады і забяспечыць доступ да бронемашыны. Калі гэта не атрымаецца, аперацыя можа зацягнуцца — магчыма, спатрэбіцца ўстаноўка паляў прама ў вадаём.
Шакалене падкрэсліла, што з сем'ямі зніклых вайскоўцаў падтрымліваецца пастаянная сувязь. Паводле яе, вайскоўцы знаходзіліся ў Літве каля двух месяцаў.
Камітэт па нацбяспецы і абароне Сейма таксама пацвердзіў: баявая машына сапраўды знойдзена, але доказаў гібелі вайскоўцаў па-ранейшаму няма. Літоўская армія працягвае пошукава-выратавальныя дзеянні.
Міністр таксама дадала, што паблізу месца затаплення праходзіць газаправод — яго бяспеку зараз правяраюць.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта2
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары
кислорода там, едва на час, для 4-х человек. да и азбуку морзе никто не отменял. давно бы уже сказали, что они там и отвечают. (((