У Беларусь экстрадавалі кілера банды Марозава, які хаваўся 20 гадоў. Адзін з яго пашпартоў быў на імя Сашы Белага
У жніўні мінулага года ў горадзе Кастанай (Казахстан) затрымалі ўдзельніка банды Марозава Віктара Рэцкага. У бандзе ён быў з 1992 года, выконваў ролю штатнага кілера, паведамляе МУС. Цяпер яго экстрадавалі ў Беларусь.
Паводле МУС, Рэцкі здзейсніў шэраг забойстваў і іншых цяжкіх і асабліва цяжкіх злачынстваў. У студзені 2005 года ён быў абвешчаны ў міждзяржаўны, а затым міжнародны вышук па лініі Інтэрпола.
Вядома, што Рэцкі хаваўся ад пераследу па падробленых дакументах на тэрыторыі Расіі і Казахстана. Прэс-служба МУС паказала яго падроблены пашпарт на імя Сашы Белага (з такім імем быў галоўны герой знакамітага крымінальнага серыяла пра 90-я «Брыгада»).
Цяпер мужчына экстрадаваны ў Беларусь для прыцягнення да крымінальнай адказнасці.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары