Памёр вядомы артыст тэатра Расціслаў Янкоўскі.
Янкоўскаму было 86 гадоў. Ён меў званні Заслужанага і Народнага артыста БССР, Народнага артыста СССР (1978).
Ён нарадзіўся ў 1930 у Адэсе ў сям'і шляхціца з беларуска-польскімі каранямі.
У Беларусь пераехаў з сям'ёй у 1957 і працаваў у Рускім тэатры.
Ягоны брат Алег Янкоўскі быў папулярным артыстам савецкага і расійскага кіно.
Расціслаў Янкоўскі быў дэпутатам прызначанага камуністамі Вярхоўнага Савета БССР (1985—1990). У палітычных спрэчках 90-х ён устаў на бок Аляксандра Лукашэнкі. У 2000-м, праз год пасля знікнення лідараў апазіцыі Ганчара і Захаранкі, Янкоўскі пагадзіўся стаць членам Савета Рэспублікі.
Сярод ягоных апошніх спраў было кіраванне журы кінафестывалю «Лістапад». Сярод ягоных апошніх значных роляў — спектакль «Пане Каханку».
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары