Карэспандэнту НН забаранілі здымаць на ўчастку, дзе будзе галасаваць Лукашэнка. Але ж у буфеце ніхто здымаць не забараняў! А там выбаршчыкам прапануецца шырокі асартымент пачастункаў.
Булачкі каштуюць ад 17 кап. да 48 кап., ёсць гіганцкія тарты-шэдэўры па 36 рублёў 16 капеек і 54 рублі 9 капеек за адзін.
Асобна стаіць шакаладная Нацыянальная бібліятэка — на ёй цэнніка няма і персанал таксама не змог адказаць, за колькі яе можна набыць. Хутчэй за ўсё, гэта свайго роду «экспанат».
А вось торт, які ўмоўна можна назваць «Беларусь перадвыбарная», прадаецца за 99 рублёў 10 капеек.
Варта адзначыць, што буфет аформлены ў нацыянальным стылі. Прадаўцы — у мятліках і гальштуках з арнаментам.
Цяпер чытаюць
Спальныя месцы ў «Мінск-Свеце» могуць выклікаць клаўстрафобію. Як эканомяць прастору ў сучасных кватэрах-студыях13
Каментары