Па Слуцку паўзуць чуткі пра забойства з расчлянёнкай. Вось што кажуць у міліцыі
У панядзелак падлеткі пачалі абмяркоўваць у чатах інфармацыю, што нібыта ў мікрараёне Чэхава ў Слуцку быў знойдзены расчлянёны труп дзяўчынкі-падлетка. Гісторыя набыла вірусны характар і хутка распаўсюдзілася ў месенджарах, паведамляе мясцовы партал.
Але, відаць, інфармацыя пра падзею пачала распаўсюджвацца з-за няправільнай інтэрпрэтацыі дзеянняў органаў папярэдняга расследавання, якія выязджалі на два іншыя інцыдэнты: канфлікт на бытавой глебе і спробу суіцыду. Абодва яны не маюць ніякага дачынення ні да «маньякаў», ні да «расчлянёнак».
Адна дзяўчына адправіла ў асабісты тэлеграм-канал з вузкай аўдыторыяй паведамленне, якое стала лавінападобна перасылацца ў асяроддзі школьнікаў.
На відэа ж, якое распаўсюджвалі падлеткі ў сацсетках, зафіксаваныя рэшткі гародніны і група судмедэкспертаў якраз на адным з пазначаных вышэй месцаў правядзення следчых дзеянняў.
Гэтую інфармацыю пацвердзілі і ў Слуцкім РАУС: ніякіх трагедый, звязаных з падлеткамі, ці з забойствамі, ці з прыкметамі крымінальнага характару, на шчасце, апошнім часам у Слуцку не адбывалася.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары