Анжаліка Борыс, старшынька непрызнанага ўладаю Саюза палякаў Беларусі, сёння сустракаецца з прэм’ер-міністрам Польшчы Дональдам Тускам.
Як паведамлі ў канцылярыі прэм’ера, сустрэча адбудзецца па ініцыятыве кіраўніка польскага ўраду. Пакуль аднак ні падрабязнасці сустрэчы, ні тэма перамоваў не асвятляюцца. Сама Анжэліка Борыс, якая ужо прыехала ў Польшчу, таксама падцвердзіла, што ініцыятыва сустрэчы сыходзіць ад прэм’ер-міністра Польшчы.
Відавочна, бакі абмяркуюць сітуацыю, якая склалася пасля апошняга з’езду Саюза палякаў Беларусі, які праходзіў у Гродна ў мінулую нядзелю. Пастановай рады арганізацыі стала рашенне, што Саюз палякаў гатовы да канструкцыйнага супрацоўніцтва з уладамі, накіраванага перш за ўсё на легалізацыю арганізацыі і яе дзяржаўную рэгістрацыю.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню51
Каментары